බීන් ස්ප්‍රවුට්ස් රෝල්ස්

මස් මාංශ වලින් තොර රසවත් ආහාර වේලක් සඳහා - බීන් ස්ප්‍රවුට්ස් රෝල්ස්!

අවශ්‍ය ද්‍රව්‍ය (4 දෙනෙක් සඳහා)

• මුං බීජ පැළ ග්‍රෑම් 400
• කළු හතු ග්‍රෑම් 10
• සිහින් තීරු ලෙස කපාගත් බෙල් පෙපර්, ලීක්ස්, කැරට් ග්‍රෑම් 25 බැගින්
• ස්ප්‍රිං රෝල් පේස්ට් 08
• Fortune Oyster Sauce මේස හැඳි 02
• ලුණු සහ සුදු ගම්මිරිස් කුඩු රස පදමට
• බිත්තර 02
• වතුර - බැටර් එක සඳහා අවශ්‍ය පමණට
• පාන් පිටි ග්‍රෑම් 50
• පාන් කුඩු ග්‍රෑම් 100
• Fortune Corn Oil මේස හැඳි 02
• කෝන් පිටි මේස හැඳි 02
• සිහින්ව පෙති කපාගත් බී ළූණු ග්‍රෑම් 20
• Fortune Vegetable Oil ගැඹුරු තෙලේ බැදගැනීමට අවශ්‍ය පමණට

සාදන ක්‍රමය

1. පළමුව උතුරණ වතුර මත බහා එළවළු සියල්ල ක්ෂණිකව විනාඩි 2-3 පමණ තම්බාගෙන පසෙක තබාගන්න.
2. දැන් පැතලි සාස්පානක් ලිප මත තබා එය රත්වන විට එයට Fortune Corn Oil දමා පළමුව කපාගත් ළූණු ටික එක්කර තෙම්පරාදු වන අතර එයටම ඉහත පිසගත් එළවළු ටිකද එක්කර හොඳින් කලවම් කරගන්න.
3. දැන්මෙයට Fortune Oyster Sauce සහ රසකරකද එක්කර හොඳින් පදම් කරගන්න.
4. වතුර ඉනුවහොත් පමණක් දියකරගත් කෝන් පිටි වලින් උකු ගතියට හරවාගන්න.
5. දැන් මෙය විනාඩි 5ක පමණ කාලයක් තුල සිසිල් වීමට ඉඩ හැර ගලවාගත් ස්ප්‍රිං රෝල් කොල මතට වෙන වෙනම මිශ්‍රණයෙන් 1/8 පමණ තබා මෙය රෝලක ආකාරයට ඔතාගන්න.
6. අවසානයට බිත්තර කහමද ස්වල්පයක් අලේපකර සීල් කරගන්න.
7. දැන් පිටි, බිත්තර, ලුණු කුඩු සහ වතුර අවශ්‍ය පමණට යොදාගෙන හොඳින් කලවම් කරගෙන සාදාගත් බැටර් එක මතට මෙය බහා නැවත පාන් කුඩු මත මෙය දවටා රත්වු Fortune Vegetable Oil වල ගැඹුරු තෙලේ රන්වන් පැහැයට බැදගන්න.

Image courtesy: Labombonadivingkohtao

ක්‍රියේටිව් ක්‍රිස්මස් රයිස්

නත්තල් මේසය තවත් රසවත් කර ගැනීමට ක්‍රියේටිව් ක්‍රිස්මස් රයිස්!

අවශ්‍ය ද්‍රව්‍ය

• තරමක කැබලි ලෙස කපාගත් කුකුළු මස්, තාරා මස් සහ කලුකුම් මස් (කටු ඉවත් කර) ග්‍රෑම් 150 බැගින්
• බාස්මතී හාල් ග්‍රෑම් 400
• වතුර - සහල් ප්‍රමාණය මෙන් 1 1/2
• කුඩාවට කපාගත් ලොකු ළූණු ග්‍රෑම් 100
• බේ ලීෆ් කොළ 02ක් පමණ
• තයිම් හර්බ්ස් (කපා ගත්) ස්වල්පයක්
• Fortune Cooking Oil
• සීසනිං කුකුල් මස් කැට 01
• බැදගත් කජු ග්‍රෑම් 50
• බෙල් පෙපර් (වර්ණ 03න්ම කොටු ලෙස කපා) ග්‍රෑම් 150
• කලු හතු සහ කලු පන්ගස් ග්‍රෑම් 40
• සැෆ්රන් හෝ කහ කුඩු ස්වල්පයක්
• කපා ගත් පාර්ස්ලි සහ තක්කාලි ස්වල්පය බැගින්
• ලුණු කුඩු සහ ගම්මිරිස් කුඩු රස පදමට

සාදන ක්‍රමය

1. ප්‍රථමයෙන් කපාගත් මස් වර්ග සියල්ලම ලුණු, ගම්මිරිස් දමා පදම්කර පසෙක තබන්න.
2. දැන් බත් පිසීමට ගන්නා බඳුන ලිප මත තබා එයට Fortune Cooking Oil ටිකක් දමා රත්වන විට එයට කපාගත් ලොකු ළූණු, බේ ලීෆ් කොළ සහ හර්බ්ස් ටිකද එක්කර යාන්තම් තෙම්පරාදු වන විට එයටම කලින් පදම් කරගත් මස් වර්ග ටිකද එක්කර නැවතත් තෙම්පරාදු කරගන්න.
3. දැන් කපාගත් බෙල් පෙපර්, හතු වර්ග ටික සහ බැදගත් කජු ටිකද දමා තවත් ස්වල්ප වේලාවක් තෙම්පරාදු කර ඊට පසු කලින් සෝදාගත් සහල් ටිකද දමා කලවම් කරන්න.
4. දැන් මෙයට අවශ්‍ය පමණට වතුර සහ සීසනිං කුකුල් මස් කැටය, සැෆ්රන්, ලුණු, ගම්මිරිස් දමා කලවම්කර හොඳට උතුරවා ගන්න.
5. ඊට පසු මෙය මද ගින්නේ තවත් විනාඩි 15-20 අතර කාලයක් තුළ පිසගෙන අවසානයට කුඩාවට කපාගත් තක්කාලි සහ චොප් කරගත් පාර්ස්ලි ස්වල්පයක්ද දමා කලවම් කර සරසා ගන්න.

Image courtesy: Lifemadedelicious

චිකන් මෙරිලන්ඩ්

පවුලේ සැමටම නවමු රසවත් අත්දැකීමකට - චිකන් මෙරිලන්ඩ්!

අවශ්‍ය ද්‍රව්‍ය

• චිකන් බ්‍රෙස්ට් (වින්ග් බෝන් එක සමඟ) 08
• පදම් කරගත් පාන් පිටි ග්‍රෑම් 25
• ගසාගත් බිත්තර 02
• පාන් කුඩු ග්‍රෑම් 50
• Fortune Cooking Oil
• සීසනිං කුකුල් මස් කැට 1/2
• ලුණු, ගම්මිරිස් කුඩු රස පදමට

සැරසීම සඳහා අවශ්‍ය ද්‍රව්‍ය

• බැදගත් චිකන් බේකන් පෙති 08
• හරි මැදින් දිග අතට පලු 2 කට කපාගත් බනානා ප්‍රිටර්ස් පලු 08
• කෝන් ප්‍රිටර්ස් 08
• බැදගත් පාර්ස්ලි පොකුරු 04
• රතු පාට බෙල් පෙපර් පෙති 04
• ගිණිකූරු හැඩයට කපා බැදගත් අල (ස්ට්‍රෝ පොටැටෝස්) ග්‍රෑම් 200

ප්‍රිටර්ස් බැටර් එක සඳහා අවශ්‍ය ද්‍රව්‍ය

• පාන් පිටි ග්‍රෑම් 100
• බිත්තර 01
• සීනි තේ හැඳි 01
• වතුර අවශ්‍ය පමණට

සාදන ක්‍රමය

1. ප්‍රථමයෙන් චිකන් බ්‍රෙස්ට් ලුණු සහ ගම්මිරිස් දමා හොඳින් පදම් කරගන්න.
2. දැන් පාන්පිටි සමඟ සීසනිං කුකුල් මස් කැටය කුඩු කර මිශ්‍රකර පිටි පදම් කරගන්න.
3. දැන් පදම් කරගත් කුකුල් මස් පිටි මත අතුරා හොඳින් ගසා ගන්න.
4. අනතුරුව එය ගසාගත් බිත්තර සාරු මත තවරා පාන් කුඩු වල දවටා Fortune Cooking Oil වලින් ගැඹුරු තෙලේ රන්වන් පැහැ වනතුරු බැදගන්න.
5. පසුව ප්‍රිටර්ස් බැටර් එක සඳහා අවශ්‍ය සියලුම ද්‍රව්‍ය එකට එක්කර විස්ක් එකකින් ගසාගෙන මෘදු බැටර් එකක් සාදාගන්න.
6. ඊට පසු කෙසෙල් ගෙඩි පලු ටික සහ කෝන් ප්‍රිටර්ස් ද පාන් පිටි මත දවටා ගසාගෙන නැවත සාදාගත් බැටර් එක තුලට දමා මෙයද රන්වන් පැහැ වන තෙක් බැදගන්න.
7. පසුව ඉහත බැදගත් කුකුල් මස් ටික පැතලි බඳුනකට ක්‍රමාණුකූලව අතුරාගන්න.
8. මෙයට බැදගත් පාර්ස්ලි පොකුරක් සහ රවුම් පෙති ලෙස කපාගත් බෙල් පෙපර් කැබැල්ලක් තබා සරසා බැදගත් ස්ට්‍රෝ පොටැටෝස් සමඟ ආහාරය සඳහා පිළිගන්වන්න.

Image courtesy: Rosieandjim

Chocolate Crinkles

A plate of delicious Chocolate Crinkles for this Christmas!

Ingredients (6 dozen)

• Unsweetened cocoa powder 1 cup
• White sugar 2 cups
• Fortune Vegetable Oil 1/2 cup
• Eggs 4
• Vanilla extract 2 teaspoons
• Flour 2 cups
• Baking powder 2 teaspoons
• Salt 1/2 teaspoon
• Confectioners' sugar 1/2 cup

Method

1. Mix together the cocoa, white sugar, and Fortune Vegetable Oil in a medium size bowl.
2. Beat in the eggs one at a time and then stir in the vanilla.
3. Next combine the flour, baking powder, and salt and stir it into the cocoa mixture.
4. And then cover the dough and chill this for at least 4 hours.
5. Preheat the oven to 350 degrees F (175 degrees C).
6. Line the cookie sheets with parchment paper. Roll the dough into one inch balls and coat each ball in confectioners' sugar before placing onto prepared cookie sheets.
7. Bake the cookies in the preheated oven for 10 to 12 minutes. Let it stand on the cookie sheet for a minute before transferring to wire racks to cool.

Image courtesy: Ladygouda