පහසු සහ රසවත් ස්පයිසි ඉස්සන් ටෝස්ට් සාදා බලන්න!
Image courtesy: Sweet Mandarin
අවශ්‍ය ද්‍රව්‍ය (5 දෙනෙකු සඳහා)
- සැන්විච් පාන් පෙති 10
- ඉස්සන් (පොතු හැර, අපද්‍රව්‍ය ඉවත්කර පිරිසිඳු කරගත්) 400g
- අමු මිරිස් (ලොකු කැබලි කපාගත්) කරල් 2
- ළුණු ගස් (කුඩා කැබලි කපාගත්) මේස හැඳි 4
- කෑලි මිරිස් මේස හැඳි 1 ½
- දෙහි යුෂ තේ හැඳි 1
- රටකජු (පොතු හැර, පියළි කරගත්) මේස හැඳි 3
- බිම්මල් (කුඩා කැබලි කපාගත්) කෝප්ප 1
- බටර් මේස හැඳි 1
- බිත්තර 4
- මාගරින් (දියකරගත්) මේස හැඳි 3
- තක්කාලි සෝස් තේ හැඳි 1
- තල මේස හැඳි 2
- Fortune Cooking තෙල් (ගැඹුරු තෙලේ බැදීම සඳහා)
සාදන ක්‍රමය
- පාන් පෙති වල වාටි කපා ඉවත් කරගන්න.
- ග්‍රයින්ඩරයකට පොතු ඉවත්කර පිරිසිඳු කරගත්ඉස්සන් සහ අමු මිරිස් එක්කර හොඳින් අඹරාගන්න.
- භාජනයකට බටර් රත්කර එයට බිම්මල් කැබලි සහ ලුණු ස්වල්පයක් එක්කර රන්වන් පැහැගැන්වෙන තුරු බැදගෙන පසෙක තබන්න.
- භාජනයක් ගෙන එයට අඹරාගත් ඉස්සන්, කෑලි මිරිස්, ළුණු, ලුණු රසපදමට ද දමා බිත්තර 1 ක් එක්කර හොඳින් මිශ්‍ර කරගන්න.
- භාජනයක් ගෙන එයට ඉතිරි බිත්තර 3, දියකරගත් මාගරින් සහ ලුණු රසපදමට එක්කර හොඳින් ගසාගන්න.
- පෙර කපාගත් පාන් පෙති බිත්තර සාරුවල බහා පොඟවාගන්න.
- පොඟවාගත් පාන් කොටු මත සාදාගත් ඉස්සන් මිශ්‍රණය අඟල් ½ ඝනකමට තවරාගන්න.
- ඉන්පසු එය උඩින් තල ඇට ඉස රත් වූ ගැඹුරු තෙලට පලමුව ඉස්සන් මිශ්‍රණය තවරා ගත් පස බැදෙන්නට දමා ඒ පස දුඹුරු පැහැගැන්වුණු පසු අනෙක් පස හරවා ඒ පසද දුඹුරු පැහැගැන්වෙන තෙක් බැදගන්න.
Image courtesy: Just Eat
No comments:
Post a Comment