අවශ්‍ය ද්‍රව්‍ය (4 දෙනෙක් සඳහා)
- තරමක කැබලි ලෙස කපාගත් මෝදා හෝ තලපත් ග්‍රෑම් 400
- මධ්‍යම ප්‍රමාණයේ ඉස්සන් (පොතු ඉවත් කර වලිගය ඉතිරි කරගත්) ග්‍රෑම් 300
- දැල්ලන් (තරමක් ලොකු කැබලි ලෙස කපාගත්) ග්‍රෑම් 200
- කුඩා පොකිරිස්සන් (කටු ඉවත් කරගත්) ග්‍රෑම් 200
- ලුණු, ගම්මිරිස් සහ දෙහි යුෂ
- මී කිරි කෝප්ප 2
- අඹරා ගත් වියළි මිරිස් (පේස්ට් 1ක් ලෙස) මේස හැඳි 1
- ඉඟුරු සහ සුදු ළූණු (යන්තම් තලාගත්) ග්‍රෑම් 30
- ගරම් මසාලා කුඩු තේ හැඳි 2
- රතු ළූණු ග්‍රෑම් 30
- රතු හා කහ පැහැති වර්ණකාරක බිංදු 3-4 ක්
- ලොකු ළූණු, ළූණු ගස්, දෙහි, අමු මිරිස් ස්වල්පයක්
- Fortune Vegetable Oil මේස හැඳි 4-6
සාදන ක්‍රමය
- ප්‍රථමයෙන් ඉහත කපාගත් මාළු සියල්ල මතට ලුණු, ගම්මිරිස් සහ දෙහි යුෂ ස්වල්පයක් එක් කර හොදින් පදම් කර කෙබාබ් කූරු මතට ක්‍රමානුකූලව අමුණා පසෙක තබන්න.
- ඉහත ඉතිරිව ඇති ද්‍රව්‍යයන්ගෙන් තෙල් සහ පිළිගැන්වීමට ඇති ද්‍රව්‍ය හැර අනෙක් සියලුම ද්‍රව්‍යයන් බ්ලෙන්ඩරයක් තුළට එක්කර පේස්ට් එකක ආකාරයට එන ලෙසට හොදින් බ්ලෙන්ඩ් කරගන්න.
- ඉන්පසු ඉහත සාදාගත් සී ෆුඩ් කෙබාබ් කූරු ටික මෙම සාදාගත් තන්දූරි පේස්ට් එක මතට දමා හොඳින් පදම්කර එය පැය 12 ක පමණ කාලයක් ශීතකරණයක තබා ඊට පසු තන්දූරි උඳුනක හෝ වෙනත් උඳුනක සෙන්ටිග්‍රේඩ් අංශක 250 උෂ්ණත්වයක විනාඩි 10ක පමණ කාලයක් පිසගන්න.
- උඳුනක් නොමැතිනම් තෙල් ස්වල්පයක් බැගින් ආලේප කර පැතලි සාස්පානක ලිප මත තබා ප්‍රවේශමෙන් පිසගත හැක.
No comments:
Post a Comment